ကျောင်းကပြန်လာပြီး အိမ်ပေါ်တက်မ်ိကတည်းက ဖေဖေ့စာအုပ်စင်ဆီ တန်းပြေးရတော့တယ်။ ကျောင်းဝတ်စုံတောင် ချွတ်လဲ မနေအားတော့ဘူး။ မေမေက ရေတစ်ဖန်ခွက်လာတိုက်တော့ လှည့်ကြည့်မနေပဲ ဂွတ်ခနဲ တစ်ရှိန်တည်း မော့ချပစ်လိုက်တာ ရေတောင်သီးသွားတယ်။“ဖြည်းဖြည်း လုပ်ပါဖူးဖူးရယ်။ သမီးနောက်က ကျားလိုက်လာသလိုပဲ”“ခုက ကျားလိုက်တာ မဟုတ်ဘူး မေရဲ့။ လူ လိုက်လာတာ။ အိုး.. လိုက်လာတာ မဟုတ်ဘူး။ ရှေ့က ပြေးနေကြတာ။ ဖူးဖူးက သူတို့ အားလုံးကို ကျော်တက်နိုင်အောင် လုပ်ရမှာ” အလျှင်စလို နိုင်နေတာမို့ ဖူးဖူးလက်နဲ့တိုက်မိပြီး ဖေဖေ့စာအုပ်တစ်ချို့ စင်ပေါ်က ပြုတ်ကျကုန်တယ်။ စိတ်မရှည်ပေမယ့် ပြန်ကောက်စီရပြန်တယ်။ ဖေဖေက သူ့စာအုပ်စင်ကို ဖူးဖူးစိတ်ကြိုက်မွှေဖို့အခွင့်တော့ ပေးထားပါတယ်။ ဒါပေမယ့် စာအုပ်တွေ ကစဥ့်ကလျားဖြစ်နေတာ တွေရင်တော့ ဖူးဖူး ဆူခံထိမှာ။ ကမ္ဘာ့ကုလသမဂ္ဂနဲ့ပတ်သက်မယ်ထင်တဲ့ စာအုပ် သုံးလေးအုပ်ကို ဆွဲယူပြီး စာကြည့်စားပွဲမှာထိုင်လိုက်တယ်။ ဖေဖေပြန်မလာခင် ဒီစာအုပ်တွေမှာပါတဲ့ အကြောင်းအရာတစ...